Assassortartuuneq oqinnerusariaqarpoq …
"App nutaaq immikkut illit suliassanik tigusisartutut (dansk: underentreprenør) atugassannut ineriartortipparput, taamaalilluni pitsaassutsimik qulakkeerinninneq, uppernarsaasiorneq, DS1140 aamma ulluinnarni aaqqissuussaaneq pissarsiarissavatit – malugilluinnarnagit."
Pisariaqartitatit tamarmik – ataatsimut
"Assassortartut appiat" – aatsaat aallartippugut … taamaattorli Assurement APP-ip versioniata siulliup periarfissarpassuit niuerfimmi siusinnerusukkut takuneqanngisaannartut neqeroorutigai.
Assurement APP uppernarsaatitit nammineerluni katersorpai, assillu, allakkat paasissutissallu nalunaarusiani eqqortumik inissittarlugit. Assinut allaaserisassanik siunnersuuteqartarpoq ilusaalu naleqqussartarlugu, taamaalilluni kingorna suliarinninnermi piffissamik sipaaqqullutit.
Kontrolplanit uploadiuk, taava APP-ip nakkutilliinitit piumasaqaatinut naapertuunnissaat qulakkeerpaa. Suliniutip siuariartornera malinnaavigiuk, nakkutilliinerit amigaatigineqartut tulliullu takussutissiorlugit. Sanaartorfimmiit attuumassuteqartunut toqqaannartumik nalunaarutinik nassiussigit.
Sulisut ajornanngitsumik taarseraakkit, nakkutilliinerit sanaartornermi titartakkani toqqaannartumik nalunaarsorlugit, nassiussanullu allagartat (dansk: følgesedler) allagaatillu allat oqarasuaammit uploadiukkit. Uppernarsaatitit tamarmik ataatsimut katersorneqartarput nalunaarsorneqarnerminnilu atorneqarsinnaalertarlutik.
Assurement APP atorlugu unnukkut akunnerpassuit assammik uppernarsaasiornermut atortartakkatit sipaarissavatit.
Oqinnerulersinnaava? AAP … oqinnerulersinnaavoq. Uani malinnaaffigitigut version 2 aamma 3 takuniarlugit, atortorissaarutinik suli tupinnarnerusunik peqartussat.
Assassortartunut app nutaaq niuerfimmi
Fagentreprenørinut suliatigut piginnaasalinnut kisimi …
Pitsaassutsimik qulakkeerinninnermut app nutaaq, kusanartoq nutaaliaarujussuarlu, suliffeqarfimmit qatanngutigisatsinnit KS Assurement ApS-imeersoq qanittukkut saqqummersussaammat nalunaarutigisinnaagatsigu tulluusimaarutigaarput. APP immikkut sanaartornermi fagentreprenørinut mikinerusunut akunnattumillu angissusilinnut naleqqussarneqarsimavoq, taamaalillutik sukkanerusumik ajornanngitsumillu "penalhusertik aaqqissuussinnaaqqullugu" uppernarsaatillu kaaviiaartut pinnagit assassornertik eqqarsaatigisinnaaqqullugu.
Appimi atortorissaarutit pitsaasut amerlasuupput, illit entreprenøritut pitsaassutsimik qulakkeerinninninnut tunngatillugu suliatigut piginnaaneqarluinnartutut saqqummersinnaanissat qulakkeertut.
Appimi allagaatit tamarmik piareersarneqareerput, taamaalilluni assiliinissat, titartagami nalunaaqutsiinissat pisariaqartillugulu oqaaseqaammik ilanngussinissat kisiat pisariaqarlutik. Sinneri nammineerluni ingerlapput …
Tamarmik sanaartorfimmi mobilimiillu, tablet-imiit il.il. suliarineqarsinnaapput.
Paasissutissat annertunerusut: Assurement.dk
Ilumoorsinnaanngitsutut pitsaatigaaq …
Immaqa issiavutit eqqarsarlutit: tamanna ilumoorsinnaanngitsutut pitsaatigaaq. Taamaattumik Assurement APP atorlugu piffissat sipaakkatit ilaat atortariaqarpatit uagutsinnut Kvalitetssikring Danmark ApS-imut tikeraarnissamut tamatumalu tamarmi takunissaanut – misiliguk, misileraaffiguk tamarmillu toqqaannartumik (live) misigalugu.
Saqqummiussinissamut unnukkut ataatsimiittarpugut, tassani tamaasa toqqaannartumik takutissallutigit appimillu ikkussinissannut atuinissannullu ikiorlutit. Kingorna suliniutinik aaqqissuussinermi, atortorissaarutini assigiinngitsuni, nalunaarusiornermi nalinginnaasumillu atuinermi ilitsersussavatsigit.
Kvalitetssikring Danmark ApS-imi sulisunit saniatigut suleqatitsinnik soqutiginnittunillu (dansk: interessenter) qaaqquivugut. Aammattaaq assassortartunik allarpassuarnik qaninnerniit ungasinnerniillu tikittunik naapitsisinnaavutit, illittut piffissamik, aningaasanik statikerinillu, siunnersortinik hovedentreprenørinillu ajornartorsiornerpassuarnik sipaarusuttunik.
Piffissani aalajangersimasuni – inooqatigiinnermi attaveqaatitigut (sociale medier) malinnaagit. Ataatsimiinnermi imerusuersaatissamik annikitsumik neqeroorutaassaaq. Suleqatit ilagerusukkukku tikilluaqqusaavoq.
Sanaartornermi nutarterinerujussuarmut nutaamut peqataagit